Беларусы дзеляцца фота буслоў, якія заходзяць да іх у двор у госці
«Амаль ручны, трохі з коткай не ладзіць».
Фота тут і далей: сацсеткі
Беларусы ў сацсетках дзеляцца фота буслоў, якія заходзяць да іх на ўчасткі ў вёсках.
Пачалося з роліка Ільі — ён выклаў відэа, дзе бусел заходзіў на тэрыторыю сямейнага лецішча і па-гаспадарску праходзіўся па ўчастку, піша blizko.by.
— Беларускі бусел зайшоў да беларусаў у госці, — падпісаў відэа малады чалавек.
— І ў нас ёсць свой. Нават у хату ўжо не саромеецца заходзіць. Вялікім знаўцам малочных сасісак аказаўся, — падзялілася Ірына.
— У нашага суседа жыве такі. Гадоў 15 таму яго падбіла чымсьці, сусед яго выхадзіў і хацеў адпусціць, а той адмовіўся і вось, жыве, прыгажун, у хаце, — распавяла Лілія.
— У нас таксама такі прыгажун у вёсцы, назвалі Бус, амаль ручны, трохі з коткай не ладзіць, — падзялілася жанчына.
— І да нас прыйшоў. Я яго рыбкай пакарміла, — распавяла Ганна.
Каментары