Гаспадары турніру прайгралі Нямеччыне, але дастойна глядзеліся ў гэтым матчы і цягам усяго групавога турніру. А вось зборная Польшчы — абняць і плакаць.
Адзіны гол у матчы на 49-й хвіліне са штрафнога забіў Міхаэль Балак. Але аўстрыйцаў гэты мяч ня толькі не зламіў, а наадварот яны сталі яшчэ больш актыўна атакаваць вароты супернікаў.
Яны змагаліся ня столькі за выхад у чвэрцьфінал (дзеля гэтага трэба было забіць два мячы), а хутчэй за сябе і сваю краіну. Перад чэмпіянатам каманду Аўстрыі запісалі ў безнадзейныя аўтсайдэры. І яны даказвалі, што не выпадковыя на гэтым турніры.
За паразы ад зборнай Нямеччыны і Харватыі падапечным Ёзэфа Хікерсбэргера не павінна быць сорамна. Аўстрыя пакідае турнір з горда ўзьнятай галавой.
Што ня скажаш пра зборную Польшчу, якая прыехала ў Аўстрыю зь непамернымі амбіцыямі, а зьяджае ні з чым, бясслаўна, праваліўшы турнір. У панядзелак палякі прайгралі другому складу зборнай Харватыі – 0:1. Адзіны гол на рахунку форварда нямецкага "Вэрдэра" Івана Класьніча
Падапечныя Славена Біліча зноў даказалі, што матчаў, якія нічога не значаць, для харватаў не існуе. Хоць гэта Англія, хоць Польшча.
Выніковае становішча: Харватыя – 9, Нямеччына – 6, Аўстрыя – 1. Польшча – 1.
Такім чынам у першым чвэрцьфінале ў чацьвер, 19 чэрвеня, згуляюць Партугалія – Нямеччына.
У пятніцу, 20 чэрвеня, матч Харватыя – Турцыя.
***
У аўторак, 17 чэрвеня, адбудзецца трэці тур у групе "С": Францыя – Італія, Галяндыя – Румынія.
Турнірнае становішча ў гэтай групе наступнае: Галяндыя – 6, Румынія – 2, Францыя, Італія – па 1.
Галяндцы ўжо забясьпечылі сабе першае месца ў групе, і іх супернікам у чвэрцьфінале у суботу будзе або зборная Расеі, або Швэцыі.
А вось на другую пуцёўку прэтэндуюць усе тры каманды.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары