Haspadary turniru prajhrali Niamieččynie, ale dastojna hladzielisia ŭ hetym matčy i ciaham usiaho hrupavoha turniru. A voś zbornaja Polščy — abniać i płakać.
Adziny hoł u matčy na 49-j chvilinie sa štrafnoha zabiŭ Michael Bałak. Ale aŭstryjcaŭ hety miač nia tolki nie złamiŭ, a naadvarot jany stali jašče bolš aktyŭna atakavać varoty supiernikaŭ.
Jany zmahalisia nia stolki za vychad u čverćfinał (dziela hetaha treba było zabić dva miačy), a chutčej za siabie i svaju krainu. Pierad čempijanatam kamandu Aŭstryi zapisali ŭ bieznadziejnyja aŭtsajdery. I jany dakazvali, što nie vypadkovyja na hetym turniry.
Za parazy ad zbornaj Niamieččyny i Charvatyi padapiečnym Jozefa Chikiersberhiera nie pavinna być soramna. Aŭstryja pakidaje turnir z horda ŭźniataj hałavoj.
Što nia skažaš pra zbornuju Polšču, jakaja pryjechała ŭ Aŭstryju ź niepamiernymi ambicyjami, a źjadžaje ni z čym, biassłaŭna, pravaliŭšy turnir. U paniadziełak palaki prajhrali druhomu składu zbornaj Charvatyi – 0:1. Adziny hoł na rachunku forvarda niamieckaha "Verdera" Ivana Kłaśniča
Padapiečnyja Słaviena Biliča znoŭ dakazali, što matčaŭ, jakija ničoha nie značać, dla charvataŭ nie isnuje. Choć heta Anhlija, choć Polšča.
Vynikovaje stanovišča: Charvatyja – 9, Niamieččyna – 6, Aŭstryja – 1. Polšča – 1.
Takim čynam u pieršym čverćfinale ŭ čaćvier, 19 červienia, zhulajuć Partuhalija – Niamieččyna.
U piatnicu, 20 červienia, matč Charvatyja – Turcyja.
***
U aŭtorak, 17 červienia, adbudziecca treci tur u hrupie "S": Francyja – Italija, Halandyja – Rumynija.
Turnirnaje stanovišča ŭ hetaj hrupie nastupnaje: Halandyja – 6, Rumynija – 2, Francyja, Italija – pa 1.
Halandcy ŭžo zabiaśpiečyli sabie pieršaje miesca ŭ hrupie, i ich supiernikam u čverćfinale u subotu budzie abo zbornaja Rasiei, abo Švecyi.
A voś na druhuju pucioŭku pretendujuć usie try kamandy.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?4
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary