«Па нейкіх прадметах трэба ўводзіць сумоўе». Лукашэнка незадаволены ЦТ
З цэнтралізаваным тэставаннем трэба нешта рабіць, - такое меркаванне выказаў кіраўнік дзяржавы падчас сустрэчы з дэпутатамі Палаты прадстаўнікоў і членамі Савета Рэспублікі.
- Не магу сказаць, якім шляхам ісці. Я ўжо прадумаў розныя варыянты: дзесьці, калі навука патрабуе дакладных адказаў — матэматыка, фізіка, там, можа быць, і пакінуць цэнтралізаванае тэставанне. А па нейкіх прадметах трэба ўводзіць сумоўе, якое калісьці было, — заявіў кіраўнік краіны.
Гаворачы аб сістэме адукацыі, кіраўнік дзяржавы адзначыў: «Нельга дапусціць поўнага капіявання замежнай мадэлі». «Мы не павінны страціць станоўчае з таго, што было, а таксама працаваць з зноў набытым». Ён папрасіў парламентарыяў задумацца над гэтым, бо «ў рэшце рэшт ад адукацыі залежыць усё».
— Качанава (віцэ-прэм'ер Наталля Качанава) мне распавядала, што пры сустрэчы з заходнікамі яны зайздросцяць таму, што мы ўсё ў сябе захавалі, — працягнуў ён. — А мы рвёмся туды, у гэты Балонскі працэс. Пытаецца, для чаго? Мне кажуць: «Каб за мяжу можна было ездзіць». Вы што, хочаце адпусьціць туды добрых спецыялістаў? Кемлівыя і так маюць магчымасць выехаць, іншыя там не патрэбныя. Падумайце над пытаннямі адукацыі.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС4
Каментары