Дзяржсакратар ЗША Джон Керы заявіў, што дзеянні Расіі ў Сірыі ў падтрымку рэжыму Башара Асада трэба расследаваць як магчымыя ваенныя злачынствы.
Керы абвінаваціў Маскву і ўрад у Дамаску ў правядзенні мэтанакіраванай стратэгіі па тэрарызаванні грамадзянскага насельніцтва ў Алепа і ў знішчэнні любога, хто аказваецца перашкодай у рэалізацыі іх ваенных задач.
Выступаючы ў Вашынгтоне на сумеснай прэс-канферэнцыі са сваім французскім калегам Жан-Маркам Эро, Керы распавёў, што, па наяўных звестках, у чацвер, 6 кастрычніка, аткаваная з паветра была яшчэ адна бальніца ў Алепа, у выніку чаго былі забітыя 20 чалавек.
Паводле яго слоў, настаў час, каб адказныя за падобныя напады былі прыцягнутыя да адказу.
«Расія і рэжым [Башара Асада] абавязаны даць свету крыху больш, чым проста тлумачэнні, чаму яны працягваюць наносіць ўдары па бальніцах і медыцынскіх цэнтрах, па дзецях і жанчынах. Гэтыя дзеянні падахвочваюць пачаць іх паўнавартаснае расследаванне як ваенных злачынстваў, і тыя, хто іх здзяйсняе, павінны быць прыцягнутыя да адказу за свае дзеянні», — сказаў Керы.
Паводле слоў дзяржсакратара, цяпер зусім відавочна, што падобныя ўдары не маюць нічога агульнага з выпадковасцю.
Раней Расія заявіла, што гатовая падтрымаць новы план ААН, накіраваны на спыненне гвалту ў Алепа.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары