У Нью-Ёрку прэзентавалі 10-ы выпуск альманаха беларускай эміграцыі
15 кастрычніка ў Нью-Ёрку у Міжнародным доме маракоў падчас пасяджэння Беларуска-амерыканскага задзіночання «Пагоня» адбылася прэзентацыя юбілейнага, дзясятага, выпуску літаратурнага альманаха «Беларус». Свята сабрала больш за 70 чалавек.
Па традыцыі адкрыў святочную імпрэзу выдавец і галоўны рэдактар Марат Клакоцкі. Ён коратка нагадаў пра гісторыю выдання і яго аўтараў, якія дасылаюць яму свае творы з 10 краінаў сввету, звярнуўшы увагу на тое, што адзін са сталых і самых плённых аўтараў - Макс Шчур - літаральна днямі быў уганараваны прэміяй Гедройца.
Далей слова атрымаў Вітаўт Кіпель — патрыярх беларускай эміграцыі, фундатар і натхняльнік альманаха. Ён расказаў аб ролі, якую адыгрывалі і адыгрываюць падобныя выданні ў развіцці беларускай літаратуры замежжа і станаўленні беларускамоўных аўтараў. Бо альманах гуртуе вакол сябе не толькі прафесійных, сталых майстроў, але і адкрывае новыя, маладыя таленты, некаторыя з якіх адчулі натхненне пісаць па беларуску, толькі апынуўшыся за мяжой. Такімі «адкрыццямі» сталі Юрась Міхед, Марына Кражова, Ганна Шарко.
Прысутныя на імпрэзе аўтары чыталі свае творы: Віталь Зайка - вершы, Валянціна Якімовіч — успаміны. Зянон Пазняк презентаваў гэтым разам кароткія філасофскія вершы-траціны і пяцірадковікі, а Сяржук Сокалаў Воюш — свае «Беларускія нацыяналістычныя казкі» і некалькі перакладаў сёлетняга Нобелеўскага лаўрэата Боба Дылана.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна26
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары