Кампанія Tesla Motors будзе аснашчаць усе свае аўтамабілі цалкам аўтаномным аўтапілотам. Пра гэта гаворыцца ў паведамленні, распаўсюджаным кампаніяй Ілана Маска 19 кастрычніка.
Новы аўтапілот, падкрэсліваецца ў заяве Tesla Motors, гарантуе значна больш высокі ўзровень бяспекі, чым пры кіраванні чалавекам.
Новая сістэма аўтаномнага кіравання, паведаміла Tesla, уключае ў сябе, у ліку іншага, восем камер, якія забяспечваюць 360-градусны вугал агляду вакол аўтамабіля на адлегласці да 250 метраў, і 12 удасканаленых ультрагукавых датчыкаў, якія вызначаюць аб'екты на дыстанцыі амаль у два разы большай, чым раней. Акрамя гэтага, машыны Tesla будуць аснашчаны радарам з удасканаленай функцыяй апрацоўкі дадзеных.
Ілан Маск у сваім твітары паведаміў, што ў бліжэйшы час будзе апублікаваны відэазапіс паездкі Tesla з аўтаномнымі пілотам ў гарадскім асяроддзі.
***
Кампанія Tesla Motors, заснаваная Іланам Маскам, выпускае некалькі відаў электрамабіляў, якія лідзіруюць па продажах у гэтым сегменце аўтарынка.
Tesla аснашчае свае аўтамабілі аўтапілота з кастрычніка 2015 года. Папярэднія версіі аўтапілотаў у кампаніі называлі сістэмай дапамогі кіроўцу, падкрэсліваючы, што яна не можа цалкам узяць на сябе кіраванне аўтамабілем.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары