У Мінску падазраваны ў разбойных нападах на таксістаў трапіў у аб'ектыў відэакамер — вядзецца вышук, паведамілі ў ГУУС Мінгарвыканкама.
«7 і 9 лістапада ў Мінску былі здзейсненыя напады на таксістаў. У двух выпадках зламыснік ехаў з Фрунзенскага ў Ленінскі раён. Садзіўся «ад борта». Прыехаўшы на месца, з задняга сядзення зламыснік наносіў кіроўцам удары нажом і спрабаваў завалодаць грашовымі сродкамі. Адзін з таксістаў, нягледзячы на атрыманыя цялесныя пашкоджанні, аказаў супраціў», — распавялі ў ГУУС.
Зламысніку на выгляд 25-30 гадоў, рост каля 170 см, валасы цёмныя, доўгія (могуць быць сабраныя ў пучок), твар на момант нападу са шчаціннем. Быў апрануты ў кароткую куртку да пояса, штаны або джынсы цёмнага колеру, абутак цёмнага колеру, удакладнілі ў ГУУС.
Па кожным з выпадкаў разбойнага нападу Следчым камітэтам распачатая крымінальная справа.
Цяпер чытаюць
У Мінску адкрылі першы дыяганальны пешаходны пераход1
У Мінску адкрылі першы дыяганальны пешаходны пераход
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары