У Лукашэнкі дома жывуць тры каты і чатыры сабакі, сем коней і дзесяць кароў
Кіраўнік Беларусі Аляксандр Лукашэнка расказаў, якія жывёлы ў яго ёсць дома.
«У мяне тры каты дома. Бывае, прыедзеш у вёску, аднекуль каты вылазяць. Потым Коля прывязе дамоў за пазухай», — кажа кіраўнік дзяржавы.
А якія ў вас яшчэ ёсць жывёлы, спыталася журналістка з Якуціі.
«Ой, у мяне ўсіх вельмі многа. Ёсць страусы, індакачкі, качкі, 25 гусянят, куры кітайскія, куры звычайныя, індыкі (штук 10), трусы, раней іх шмат было, але раздаў, засталося каля 20, я іх не ем, не дай бог дзіця пабачыць, дзесяць кароваў, козы, авечкі, 7-8 каней. Яшчэ ў мяне 4 сабакі — дзве лайкі, лабрадор, нямецкая аўчарка.
Нядаўна прыехаў у Маскву, мне Барадзін кажа: «Аляксандр Рыгоравіч, я вашаму сыну сабаку прывёз». Ціха-ціха, не кажы нічога! Сказаў ужо. Давялося забіраць».
Лукашэнка кажа, што ад дзяцінства перанёс любоў да жывёл. Ён назваў сябе заяўзятым паляўнічым, але за ўсё жыццё падстрэліў толькі аднаго зайца.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары