29 лістапада ў 10:19 выратавальнікам Дубровенскага раёна паступіла паведамленне аб пажары гаспадарчай пабудовы ў вёсцы Ляхаўка, паведамляе прэс-служба МНС.
Калі работнікі МНС прыбылі на месца, гарэў дах дзіцячага саду.
У момант узнікнення пажару дзеці (6 чалавек) былі на прагулцы. Пацярпелых няма.
У выніку агнём у будынку дзіцячага садка знішчаны дах, маёмасць, пашкоджаны столевае перакрыцце, сцены.
Прычына пажару высвятляецца. Разгляданая версія - парушэнне правілаў эксплуатацыі печаў, цеплагенеруючых агрэгатаў і прыладаў.
Каментары