Кіроўцу, які дрыфтаваў на плошчы Перамогі, пагражае справа за знявагу каштоўнасцяў
Пракурор Партызанскага раёна Мінска Сяргей Барысенка 6 снежня распачаў крымінальную справу ў дачыненні кіроўцы, які заехаў на пляцоўку помніка на плошчы Перамогі, паведамляе БелаПАН.
Справа заведзеная па ч. 1 арт. 339 КК (хуліганства) у адносінах 27-гадовага жыхара Мінска. Ён падазраецца ў тым, што 29 лістапада з 01.30 па 01.50, знаходзячыся на плошчы Перамогі, у прысутнасці старонніх грамадзян «наўмысна, з хуліганскіх меркаванняў, выказваючы відавочную непавагу да грамадства, і з выключным цынізмам, заехаў на аўтамабілі «Мэрсэдэс-Бенц S300» на пляцоўку помніка і, увёўшы аўтамабіль у кіруемы занос, праехаў каля трох колаў вакол сваёй восі («дрыфтаваў»), чым груба парушыў грамадскі парадак».
Пасля кіроўца паспрабаваў уцячы ад супрацоўнікаў міліцыі.
Як паведамілі ў пракуратуры, следству таксама трэба будзе даць прававую ацэнку дзеянням кіроўцы па арт. 346 КК (знявага гісторыка-культурных каштоўнасцяў).
Каментары