Падатковы інспектар у Магілёве асуджаны за хабар і бяздзейнасць у дачыненні да індывідуальных прадпрымальнікаў.
Як паведамілі ў пракуратуры Магілёўскай вобласці, інспектар быў абвінавачаны па артыкулах «Бяздзейнасць службовай асобы» і «Атрыманне хабару». Як высветліў суд, у лютым гэтага года ён прыняў ад індывідуальнага прадпрымальніка 800 тысяч недэнамінаваных рублёў, замест таго каб скласці акт праверкі і прыцягнуць да адміністрацыйнай адказнасці ў выглядзе штрафу.
У сакавіку пры правядзенні пазапланавай праверкі інспектар прыняў у іншага індывідуальнага прадпрымальніка 2 млн недэнамінаваных рублёў.
Суд прызначыў яму пакаранне ў выглядзе сямі гадоў пазбаўлення волі з адбываннем пакарання ў папраўчай калоніі ва ўмовах узмоцненага рэжыму, з канфіскацыяй маёмасці і пазбаўленнем права займаць пасады, звязаныя з правядзеннем юрыдычна значных дзеянняў тэрмінам на пяць гадоў, са штрафам у памеры 300 базавых велічынь.
Прысуд суда набыў законную моц.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары