Хакеры апублікавалі дакументы, згодна з якімі беларускія аўтары рыхтуюць свае публікацыі па заказах маскоўскіх паліттэхнолагаў

Інтэрнэт-рэсурс «Інфармнапалм» апублікаваў узламаную электронную перапіску паміж журналістам Арцёмам Бузілам і ягонымі куратарамі з Расіі. Цікавасць уяўляюць беларускія прозвішчы, што ўсплываюць у гэтай перапісцы.

Бузіла — гэта журналіст з Адэсы, які быў агентам уплыву Крамля ва Украіне, атрымаў турэмны тэрмін, але быў выпушчаны паводле «закона Саўчанкі» і пасля гэтага выехаў у Расію. 

Куратары Бузілы, мяркуючы па перапісцы, — людзі, блізкія да крамлёўскага паліттэхнолага Уладзіслава Суркова: праз іх ішлі рэкамендацыі, фінансаванне ды іншае. 

Ахвотныя могуць прачытаць увесь тэкст тут. 

Сярод усяго архіва перапіскі звяртаюць на сябе ўвагу згадкі знаёмых прозвішчаў.

Па інфармацыі ўкраінскіх хакераў, з лістапада 2016 года Бузіла падключыўся да інфармацыйнай кампаніі па Беларусі. 

Нейкі Walter U — імаверна, чалавек з каманды Суркова — ставіць задачы па маніторынгу СМІ Беларусі, падбору блогераў для замоўных публікацый па тэхнічных заданнях.

Як піша інтэрнэт-рэсурс, Бузіла для гэтых мэтаў прапанаваў Юрыя Паўлаўца, Сяргея Шыптэнку, Мікалая Малішэўскага, Юрыя Баранчыка — двух першых з іх на мінулым тыдні затрымалі беларускія спецслужбы. Таксама ў дакументах успамінаецца імя Пятра Пятроўскага.

Павялічыць

Павялічыць

Украінскія хакеры прыводзяць тое самае «тэхнічнае заданне» ад расійскіх куратараў. 

«Перамога прарасейскіх кандыдатаў на выбарах у Малдове і Балгарыі задаюць новы трэнд ва ўсходнееўрапейскай палітыцы, асабліва — на постсавецкай прасторы, — гаворыцца ў заданні.

— Пра тое, што мы маем справу менавіта з трэндам, а не з выпадковымі перамогамі ўмоўна прарасійскіх сілаў, можна казаць, калі прыняць да ўвагі глабальныя змены (Брэкзіт, перамога Трампа і гэтак далей).

У гэтых умовах ухіл беларускай улады ўваходзіць у супярэчнасць з агульнай тэндэнцыяй: беларусізацыя, фармаванне ідэалогіі дзяржаўнага нацыяналізму, зайграванне з апазіцыяй (допуск у парламент празаходняй лібералкі і нацыяналісткі, дазвол канцэрта прамайданнага гурту «Брута» Сяргея Міхалка і г.д.) выглядаюць як адыход ад агульных тэндэнцый, — працягваюць аўтары задання. —

Ва ўмовах глабальнага крызісу ўлады многіх краін ўсё менш прыслухоўваюцца да рэцэптаў МВФ, усё менш разлічваюць на глабальныя рынкі, імкнучыся да развіцця ўнутранага рынку і рэгіянальнай кааперацыі. У процівагу гэтай тэндэнцыі ўлады Беларусі пашыраюць супрацоўніцтва з МВФ, бачачы ў гэтым свой поспех. Ніякія крэдыты ад МВФ і Еўрасаюза — нават калі яны і будуць — становішча не выратуюць: заходнія фінансавыя ўліванні пацягнуць не паратунак дзяржсектара, а паскоранае яго скарачэнне. Палегчыць сітуацыю могуць толькі ўзгодненыя дзеянні з Расіяй у рамках Еўразійскай эканамічнай супольнасці. Ці працягнуць беларускія ўлады «пляваць супраць ветру» або вернуцца да традыцыйнага «прарасейскага» курсу?».

Павялічыць

Паводле «Інформнапалма», канкрэтна гэтую задачу маскоўскіх паліттэхнолагаў выканаў аўтар «Імхаклаба» Пётра Пятроўскі — часты госць у перадачы Вадзіма Гігіна, прэзентуе сябе як «філосаф» і «палітолаг».

Павялічыць

Тэкст Пятроўскага, выкананы паводле задачы куратараў, апублікаваны на сайтах «Імхаклаба» і «Імперыі». Першы з сайтаў рэдагуе іншы «філосаф і палітолаг», Аляксей Дзермант. Другі ж — той самы Баранчык, які, як вынікае з апублікаванай у інтэрнэце перапіскі, даваў заданні арыштаваным у Беларусі Алімкіну, Паўлаўцу і Шыптэнку.

Павялічыць

У тэлефоннай размове з карэспандэнтам радыё «Свабода» Пятро Пятроўскі сказаў, што публікацыя «Інфармнапалма» — «гэта ўсё паклёп. Больш канкрэтную інфармацыю я дам у панядзелак».

* * *

«Наша Ніва» пачала кампанію па зборы сродкаў на свае расследаванні на краўдфандынгавай пляцоўцы «Талака». Будзем удзячныя нашым фундатарам за падтрымку нашай справы.

• 0
• 0
• 0
• 0
• 0
• 0
• 0
• 0