Калісьці Ірына Вайкевіч чакала Яўгена з калоніі, дзе ён адбываў тэрмін за бойку. А цяпер былыя сужэнцы не могуць падзяліць дзіця.
У пары нарадзіўся сын Леа, але летась сям'я распалася — і пачаліся суды за права бачыцца з дзіцем. Яўген расказаў сваю версію ў TikTok, а Ірына стала гераіняй выпуску АНТ «Яшчэ не вечар», які выйшаў у сакавіку, піша канал «Віцебск, я гуляю!».
Яшчэ ў пятніцу Яўген радаваўся перамозе: Мінскі абласны суд дазволіў яму забіраць сына не толькі з вечара нядзелі, але ўжо з вечара суботы — да раніцы панядзелка. Блогер заявіў, што шчаслівы, хоць спыняцца не збіраецца і пойдзе ў Вярхоўны суд.
Але ўжо ў суботу ён паведаміў, што ў найбліжэйшы час сына не ўбачыць. Яўген напісаў, што мужчына, які нібыта пагражаў яму з тэлефона былой жонкі, апынуўся ў бальніцы: «Прабачце, што так атрымалася, але я баяўся, што мяне заб'юць». Паводле слоў каментатараў, пасля суда адбылася панажоўшчына: пацярпелага шпіталізавалі, а Яўгена маглі затрымаць.
Ірына апублікавала сваю версію падзей. Яна расказвае, што былы муж забраў дзіця з дзіцячага садка ў недазволены яму судом час. А затым пры спробе забраць у яго дзіця параніў нажом мужчыну.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары