Прэзідэнт ЗША Барак Абама заявіў, што Вашынгтон зробіць захады ў адказ супраць расійскіх хакераў, якія спрабавалі ўмяшацца ў выбарчы працэс у ЗША.
«Мяркую, што няма ніякіх сумненняў у тым, што ў выпадку, калі замежны ўрад спрабуе паўплываць на чысціню нашых выбараў, мы павінны прыняць меры», — сказаў Барак Абама ў інтэрв'ю радыёстанцыі NPR.
Па словах амерыканскага прэзідэнта, ЗША зробяць захады ў зручны, з іх пункту гледжання, момант.
«Некаторыя з іх [захадаў] могуць быць цалкам відавочнымі, і пра іх будзе вядома. А пра некаторыя — не», - растлумачыў Абама.
Раней у адміністрацыі прэзідэнта ЗША заявілі, што расійскі прэзідэнт Уладзімір Пуцін мог прымаць непасрэдны ўдзел у хакерскай аперацыі, якая мела мэтай умяшальніцтва ў выбарчы працэс у Злучаных Штатах.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя12
Каментары