Прэзідэнт Расіі Уладзімір Пуцін заявіў, што ўрад Сірыі і ўзброеная апазіцыя падпісалі дамову аб спыненні агню. Бакі канфлікту выказалі гатоўнасць пачаць мірныя перамовы.
Якія менавіта групоўкі маюцца на ўвазе пад узброенай апазіцыяй, невядома.
Па словах Пуціна, пагадненне было дасягнута па выніках перамоваў з удзелам Расіі, Ірана і Турцыі.
Міністр абароны РФ Сяргей Шайгу паведаміў, што рэжым спынення агню пачне дзейнічаць з 00:00 гадзін 30 снежня. Расія і Турцыя выступяць гарантамі перамір'я. Шайгу таксама адзначыў, што перамовы з сірыйскай апазіцыяй працягваліся два месяцы.
Міністр замежных спраў РФ Сяргей Лаўроў заявіў, у сваю чаргу, што да дасягнутых дамоўленасцей прапануюць далучыцца Саудаўскай Аравіі, Іарданіі, Егіпту, Іраку і Катару. Лаўроў выказаў надзею, што ЗША «змогуць далучыцца да гэтых намаганняў» пасля ўступлення Дональда Трампа на пасаду прэзідэнта.
Цяпер чытаюць
Пракуратура пра смерць Мелказёрава: журналіст меў хранічную хваробу14
Каментары