На выходных ніякіх сьледчых дзеяньняў з затрыманымі па выбуху 4 ліпеня ў Менску, якія ўтрымліваюцца ў ізалятары часовага ўтрыманьня на Акрэсьціна, не праводзілася.
Пра гэта Еўрарадыё паведаміла Ніна Шыдлоўская, жонка аднаго з затрыманых — Міраслава Лазоўскага.
Нагадаем, хлопцы былі затрыманыя па справе аб выбуху 4 ліпеня.
Вось што кажа Ніна Шыдлоўская:
«Па чацвярых затрыманых я каардыную і збіраю інфармацыю. Нагадаю, гэта — Сяржук Чыслаў, Міраслаў Лазоўскі, Ігар Корсак і Віктар Ляшчынскі. На раніцу [у панядзелак] іх адвакаты ніякіх навінаў не мелі… За выходныя ніякіх следчых дзеянняў не праводзілася. Адпаведна яны адвакатаў не выклікалі».
Акрамя згаданых хлопцаў, па гэтай справе былі яшчэ затрыманыя Ілля Богдан, Антон Койпіш і Таццяна Пякун. Яшчэ трое сяброў АГП былі затрыманыя, але пасля асуджаныя на 10 і 15 сутак адміністрацыйнага арышту, нібыта, за «дробнае хуліганства».
12 ліпеня са следчага ізалятара КДБ былі выпушчаныя актывіст АГП Аляксандр Сергіенка, актывіст кампаніі «Еўрапейская Беларусь» Павел Кур’яновіч і лідэр незарэгістраванай Беларускай партыі свабоды Сяргей Высоцкі.
Цяпер чытаюць
Польскі дыпламат расказаў, як прывозіў Колю мультфільмы на дысках і кім для сям'і Лукашэнкаў быў Макей8
Каментары