Фіналіст адбору Еўрабачання: «Спяваць па-беларуску — не выйсце. Гэта ўжо амаль мёртвая мова»
Сярод фіналістаў беларускага адбору на Еўрабачанне—2017 — Lermont (Васіль Селішчаў) і Julic (Антон Рубацкі).
У інтэрв'ю «Спутніку» яны патлумачылі, чаму беларускі шоу-бізнэс не самадастатковы.
«Праблема нашага шоу-бізнэсу - з-за адсутнасці лакальнага моўнага поля. Ёсць літоўскія выканаўцы, якія збіраюць у сябе ў краіне цэлыя стадыёны. Такое ж ёсць у многіх краінах, дзе выкарыстоўваюць толькі сваю мову», — кажа Julic.
А вось Lermont упэўнены, што спевам па-беларуску пераламаць гэтую сітуацыю нельга:
«Спяваць па-беларуску — не выйсце. На жаль, гэта ўжо амаль мёртвая мова, хоць яе і падтрымліваюць штучна. Амаль усе гавораць па-руску, нават мы цяпер. І сітуацыя з мовай — натуральны працэс. Так, у гісторыі было тое, калі людзей прымушалі на нейкай мове гаварыць, на нейкай — не. Цяпер такога няма, і ні ў каго няма мэты назад ўсім «прышчапіць» беларускую мову».
Адзначым, што на Ютубе сярод 13 фіналістаў адбору на Еўрабачанне Lermont і Julic маюць найгоршую ацэнку гледачоў (на момант публікацыі матэрыялу прапорцыя складала 29 лайкаў на 78 дызлайкаў).
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары