Міжнародная група, якая ўключае ратавальнікаў Аўстраліі, Малайзіі і Кітая, спыніла пошукі абломкаў рэйса MH370, што знік над Паўднёва-Кітайскім морам у сакавіку 2014 года. Пошукі не прынеслі ніякіх вынікаў, месца падзення лайнера выяўлена не было.
За амаль тры гады аперацыі караблі прачасалі плошчу 120 тысяч квадратных кіламетраў, як у Паўднёва-Кітайскім моры, так і на захад ад Аўстраліі ў Індыйскім акіяне.
На пошукавую аперацыю было выдаткавана 160 мільёнаў даляраў.
Сваякі прызнаных загінулымі пасажыраў ужо заявілі, што ўзрушаныя рашэннем уладаў спыніць пошукі.
Boeing 777 авіякампаніі Malaysia Airlines знік з радараў 8 сакавіка 2014 года, кіруючыся з Куала-Лумпура ў Пекін. На борце знаходзіліся 239 чалавек, усе яны прызнаныя загінулымі.
![Клас Клас](https://nashaniva.com/images/reactions/reaction-like.png)
0
![Панылы сорам Панылы сорам](https://nashaniva.com/images/reactions/reaction-facepalm.png)
0
![Ха-ха Ха-ха](https://nashaniva.com/images/reactions/reaction-smile.png)
0
![Ого Ого](https://nashaniva.com/images/reactions/reaction-omg.png)
0
![Сумна Сумна](https://nashaniva.com/images/reactions/reaction-sad.png)
0
![Абуральна Абуральна](https://nashaniva.com/images/reactions/reaction-anger.png)
0