Pete Marovich/Pool photo via EPA
Прэзідэнт ЗША Дональд Трамп назваў тэлефонную размову з прэм'ер-міністрам Аўстраліі Малькальмам Тэрнбулам, якая адбылася 28 студзеня, «самай горшай» з усіх, якія ён вёў з кіраўнікамі іншых дзяржаў.
Пра гэта паведамляе газета The Washington Post са спасылкай на неназваных амерыканскіх чыноўнікаў.
Па дадзеных выдання, размова лідараў дзвюх краін мелася доўжыцца каля гадзіны, аднак Трамп скончыў яе праз 25 хвілін. Перад гэтым прэзідэнт ЗША паведаміў Тэрнбулу, што размова з ім — «горшая на сённяшні дзень».
Па дадзеных крыніцы, Трамп раззлаваўся пасля таго, як Тэрнбул нагадаў яму аб абавязацельстве наконт прыёму бежанцаў з Аўстраліі. Як напісаў амерыканскі лідар у сваім Twitter, адміністрацыя Абамы «пагадзілася прыняць тысячы нелегальных імігрантаў з Аўстраліі». Трамп дадаў, што вывучыць «гэтую чортаву здзелку».
