У выніку санкцый таргі доларам і еўра на біржы з 13 чэрвеня будуць спыненыя, паведаміла прэс-служба гандлёвай пляцоўкі.
Банк Расіі пацвердзіў: «у сувязі з увядзеннем ЗША абмежавальных захадаў» правядзенне біржавых таргоў і разлікі паставачных інструментаў у доларах ЗША і еўра «прыпыняюцца».
Для вызначэння афіцыйных курсаў валют з гэтага часу расійскі Цэнтрабанк будзе выкарыстоўваць пазабіржавы рынак, дзе здзелкі працягнуцца, а таксама справаздачнасць банкаў. Усе сродкі ў доларах і еўра на рахунках і ўкладах грамадзян і кампаній абяцаюць захаваць, а купляць валюту можна будзе праз крэдытныя арганізацыі.
Між тым некаторыя расійскія банкі на фоне ўвядзення санкцый супраць Масбіржы істотна паднялі курс абмену долара. У адным з банкаў цану за долар павялічылі нават да 200 расійскіх рублёў, між тым як раней курс вагаўся ў раёне 93 рублёў за долар.
Чытайце таксама:
Пад новыя санкцыі ЗША трапілі яшчэ некалькі беларускіх прадпрыемстваў і фізічных асоб
ЗША папярэдзілі Raiffeisen, што доступ банка да даляравай сістэмы можа быць абмежаваны з-за Расіі
ЗША ўводзяць забарону на імпарт алюмінію, медзі і нікелю расійскага паходжання