«Марзалюк віртуозна засвоіў ілжывую мову беларускіх чыноўнікаў»
«Марзалюк віртуозна і напоўніцу засвоіў цынічную і лжывую мову беларускіх чыноўнікаў, калі тыя выказваюцца па моўным пытанні, — піша ў сябе ў фэйсбуку гісторык Аляксандр Пашкевіч. — Як той казаў, з ваўкамі жыць — па-воўчы выць:
І гэта пры тым, што пыталіся ў яго, калі верыць матэрыялу БелаПАН, усяго толькі пра тое, «ці лічыць ён неабходным з'яўленне беларускамоўнага ўніверсітэта ў Беларусі».
Не пра тое ішла гаворка, каб заганяць ва ўніверсітэт кагосьці пры дапамозе прымусу і гвалту, а толькі пра тое, ці трэба, каб у афіцыйна дзвюхмоўнай краіне такі ўніверсітэт існаваў у прынцыпе. Паводле дэпутата-прафесара — не, канечне, такі ўніверсітэт нам без патрэбы, бо «ў некаторых ВНУ ёсць цалкам беларускамоўныя спецыяльнасці — напрыклад на гістарычным факультэце БДУ». І сапраўды — навошта нешта большае, калі для пускання пылу ў вочы і гэтага цалкам хапае? Такая вось свабода выбару атрымліваецца — калі выбару на практыцы няма.
Калі ты па нейкіх прычынах хочаш атрымліваць адукацыю не на гістфаку БДУ — а такія людзі сярод беларускамоўных таксама бываюць, як гэта ні дзіўна.
Ну, і вядома, дзяжурныя згадкі пра Ірландыю і іўрыт. Нічога арыгінальнага, карацей. Адну і тую ж жуйку ўсе жуюць», — падсумоўвае Аляксандр Пашкевіч.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары