Камітэт Еўрапарламента па грамадзянскіх свабодах, юстыцыі і ўнутраных справах (LIBE) канчаткова зацвердзіў праект заканадаўчай рэзалюцыі аб унясенні Украіны ў спіс трэціх краін, для грамадзян якіх адмяняюцца візавыя патрабаванні, паведамляе ЕўраПраўда.
39 членаў камітэта прагаласавалі за рашэнне, адзін устрымаўся і чацвёра прагаласавалі супраць.
Еўрадэпутат Міхал Боні перад галасаваннем зрабіў кароткую заяву адносна трыялогу паміж Еўрапарламентам, Радай ЕС і Мальтыйскім старшынствам у ЕС, у рамках якога на мінулым тыдні ўзгаднілі бязвіз для Украіны.
Ён падкрэсліў, што Украіна выканала ўсе патрабаванні ЕС па прадастаўленні бязвізавага рэжыму, і «нават пераўзышла чаканні».
Як вядома, 2 сакавіка Камітэт пастаянных прадстаўнікоў краін-сябраў ЕС (COREPER) на сустрэчы ў Бруселі ўхваліў рашэнне аб візавай лібералізацыі для Украіны.
Пасля канчатковага зацвярджэння камітэтам ЕП, прапанова па візавай лібералізацыі накіроўваецца ў Еўрапейскі парламент для галасавання, якое, як чакаецца, адбудзецца 5 красавіка.
Пасля гэтага дакумент будзе перададзены для прыняцця Радай ЕС. Там абяцаюць, што ўкраінскія грамадзяне змогуць падарожнічаць у краіны Еўрасаюза без віз у чэрвені 2017 года.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч8
Каментары