У Валожыне 37-гадовы мясцовы жыхар можа заплаціць другі штраф за тое, што не заплаціў першы. Або ўвогуле сесці за гэта ў турму.
Па словах старшага следчага валожынскага Следчага камітэта Сяргея Лапціка, мужчыну асудзілі ў 2016 годзе за продаж крадзеных рэчаў.
Вінаваты павінны быў заплаціць штраф 840 рублёў. Як расказаў следчы, у такіх выпадках маёмасць арыштоўваюць і вінаваты піша распіску пра тое, што захавае яе да таго моманту, пакуль выплаціць штраф. Калі ж у адведзены тэрмін вінаваты штраф не заплаціць, судовыя выканаўцы апісваюць і рэалізуюць маёмасць.
Мужчына нідзе не працаваў, піў, штраф не заплаціў.
Калі судовыя выканаўцы прыехалі апісаць маёмасць, яны нічога не знайшлі. А гаспадар патлумачыў, што ўсё прапіў.
Матэрыялы перадалі ў Следчы камітэт. Цяпер мужчыне пагражае або чарговы штраф, або арышт ці пазбаўленне волі да двух гадоў.
— Нягледзячы на тое, што выпіць хочацца, неабходна ўсё ж выконваць умовы распіскі і захоўваць маёмасць. І лепш заплпаціць штраф у адведзены тэрмін, — патлумачыў Сяргей Лапцік.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары