Ахоўнік Акрэсціна сказаў хлопцу, што той забыў у камеры куртку. А калі ён вярнуўся па рэч, паехаў на чарговыя суткі
Па ўсёй краіне з сутак пачалі выходзіць людзі, але некаторых зноў саджаюць за краты.
10 сакавіка ў судзе Першамайскага раёна быў абвешчаны прысуд па так званай справе антыфашыстаў.
Падчас агучвання прысуду некалькі актывістаў пачалі выкрыкваць «Ганьба!» у знак нязгоды з рашэннем суддзі. Пры гэтым Зміцер Паліенка быў затрыманы.
Зміцер Паліенка быў асуджаны на суткі. Праз пару дзён пасля вызвалення актывіст прынёс перадачу сябру. Ахоўнік сказаў хлопцу, што той забыў у камеры куртку і прапанаваў зайсці па рэч. Назад Паліенку ўжо не выпусцілі. З камеры ён паехаў адразу на новы суд, дзе атрымаў новыя суткі за ўдзел у акцыі па абароне Курапат.
Гэта не адзіны выпадак, калі актывістам давалі паўторныя суткі. Вядома пра Яўгена Жураўскага, які адсядзеў 12 сутак пасля таго як сеў у знакаміты 37-ы тралейбус. Ён зноў атрымаў 5 сутак за ўдзел у акцыі, якая была ў лютым.
30 сакавіка павінен быў выйсці на волю Павел Сяргей. Хлопец доўгі час адсутнічаў у краіне, па прыездзе на радзіму атрымаў 7 сутак за акцыю, на якой ён не быў. Хлопца затрымлівалі пры дапамозе двух пажарных кранаў ды ратавальнікаў. Па сканчэнні арышту актывіста адразу павезлі ў суд і асудзілі яшчэ на 5 сутак за непадпарадкаванне міліцыі.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары