Каб затрымаць актывіста, міліцыя выклікала МНС і два пажарныя краны ВІДЭА
Сення раніцай актывіст «Пошуга» Павал Сяргей паведаміў «Нашай Ніве» што ля яго кватэры ў Маладзечне з раніцы стаяць два мікрааўтобусы з супрацоўнікамі міліцыі. У кватэры хлопца адключылі святло і інтэрнэт. Паўлу ўдалося ўцячы з дома праз акно і збегчы. Хлопец паспеў дабегчы да кватэры свайго брата. Адтуль ён працягваў падтрымліваць сувязь з карэспандэнтамі. Праз нейкі час паведаміў, што ля дома з'явіліся пяць супрацоўнікаў у форме, два ў пад'ездзе ў цывільным.
Праз нейкі час да дома, дзе схаваўся хлопец, пад'ехалі дзве пажарныя і адна машына МНС. Яны ўзламалі дзверы, спасылаючыся на то, што ў кватэры пачаўся пажар. Але ў дзверы замест пажарнікаў уварваліся міліцыянты.
Жывая трансляцыя з затрымання:
У сваякоў Паўла пры затрыманні канфіскавалі тэлефон, з якога здымалі на відэа пажарныя машыны і МНС пад домам. Відэа было выкладзенае ва УКантакце, але 30 хвілін таму знікла.
Але застаўся скрын з відэа:
Паўла Сяргея затрымалі па прычыне таго, што ён нібыта ўдзельнічаў у «Маршы недармаедаў» у Маладзечне, але ў гэты час хлопца не было ў краіне.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя8
Каментары