На Нямізе раварыст урэзаўся ў аўтамабілі, якія стаялі на святлафоры. З-за гэтага ў кірунку на некаторы час ўтварыўся затор, паведаміла БЕЛТА старшы інспектар па агітацыі і прапагандзе аддзела ДАІ Цэнтральнага РУУС Мінска Анастасія Радзько.
Па яе словах, раварыст рухаўся па праезнай частцы паміж крайняй правай і сярэдняй паласой. Паводле папярэдняй інфармацыі, спачатку ён зачапіў адну машыну, якая стаяла на святлафоры, пасля чаго ўрэзаўся ў іншую. Транспартныя сродкі атрымалі механічныя пашкоджанні. У аднаго з аўтамабіляў пабітае шкло і пашкоджаныя пярэднія пасажырскія дзверы.
На месца прыбылі супрацоўнікі ДАІ, якія аформілі здарэнне. Раварыст сур'ёзных траўмаў не атрымаў.
Каментары