Учорашні вечар ператварыўся для Гродна ў сапраўднае выпрабаванне стыхіяй. Моцны лівень за лічаныя хвіліны ператварыў цэнтральныя вуліцы ў бурлівыя рэкі.
Патокі вады затапілі ключавыя магістралі, падземныя пешаходныя пераходы і цокальныя паверхі кафэ ды рэстаранаў у цэнтры горада. Шквалісты вецер валіў дрэвы, якія абрывалі лініі электраперадачы і блакавалі рух, а ў некаторых месцах вада нават размыла асфальт.
Камунальнікі і ратавальнікі МНС працавалі ўсю ноч: качалі ваду, прыбіралі паваленыя дрэвы і аднаўлялі праезд для грамадскага транспарту.
Сёння на вуліцы выведзена ўся спецтэхніка для расчысткі дарог ад бруду і лакальнага рамонту пашкоджаных участкаў, піша «Гродзенская праўда».
Цяпер чытаюць
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары