З 4 па 8 жніўня на Мінскай ЦЭЦ-4 будуць праводзіцца планавыя работы па тэхнічным абслугоўванні абсталявання мазутнай гаспадаркі. У гэты перыяд жыхары мікрараёнаў Малінаўка і Сухарава могуць час ад часу адчуваць нязначны пах мазуту, паведамляе агенцтва «Мінск-Навіны».
Паводле энергетыкаў, гэта звязана з тэхналагічнымі асаблівасцямі правядзення работ і не ўяўляе небяспекі для здароўя людзей і навакольнага асяроддзя.
У «Мінскэнерга» адзначылі, што прафілактычныя работы неабходныя для забеспячэння надзейнай і бесперабойнай працы цеплаэнергетычнага комплексу сталіцы.
Энергетыкі папрасілі прабачэння за магчымыя часовыя нязручнасці і падзякавалі жыхарам за разуменне.
Каментары