Аляксандр Лукашэнка і прэзідэнт Украіны Пятро Парашэнка сёння па выніках перамоў прынялі сумесную заяву аб неабходнасці працягваць работу па ліквідацыі наступстваў аварыі на Чарнобыльскай АЭС. Пра гэта гэтым кіраўнік беларускай дзяржавы заявіў на сустрэчы з прадстаўнікамі СМІ па выніках перамоў з украінскім калегам, перадае БЕЛТА.
Аляксандр Лукашэнка падкрэсліў, што ў гэтым напрамку трэба правесці яшчэ вялікую работу, нягледзячы на тое, што бакі ўжо зрабілі шмат што. Пры гэтым важна ісці нага ў нагу і прыцягваць да гэтай праблематыкі грамадскую ўвагу ўсёй планеты. «Мы прынялі адпаведную заяву», — сказаў ён.
У сваю чаргу Парашэнка адзначыў, што Беларусь і Украіна наладзілі эфектыўнае супрацоўніцтва ў рабоце па ліквідацыі наступстваў аварыі на ЧАЭС. Так будзе і ў далейшым, асабліва з улікам будаўніцтва ў Беларусі ўласнай атамнай станцыі. «Сёння адбыўся важны дыялог, які датычыцца бяспекі ядзерных аб'ектаў, магчымага супрацоўніцтва ў эксплуатацыі, будаўніцтве, абыходжанні з ядзернымі адходамі. Мы дамовіліся працягнуць вельмі важную дыскусію на ўзаемавыгаднай аснове», — звярнуў увагу ён.
Сустрэча кіраўнікоў дзяржаў адбылася ў сумны дзень для беларускага і ўкраінскага народаў — у чарговую гадавіну аварыі на ЧАЭС. Наступствы катастрофы да гэтага часу адчуваюць на сабе жыхары абедзвюх краін.
Прэзідэнты наведалі сёння атамную станцыю, азнаёміліся з будаўніцтвам новых укрыццяў і захоўваннем ядзернага паліва. На ЧАЭС, а таксама на тэрыторыі Беларусі Лукашэнка і Парашэнка ўшанавалі памяць загінулых пры ліквідацыі аварыі.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца5
Каментары