У Беларусі бюджэт пражытачнага мінімуму ў сярэднім на душу насельніцтва (БПМ) у цэнах сакавіка ў разліку на месяц складзе з 1 мая па 31 ліпеня 2017 года 183 рублі 82 капейкі. Такое рашэнне змяшчаецца ў пастанове Міністэрства працы і сацыяльнай абароны ад 21 красавiка 2017 года №19.
Новы БПМ павысіўся на 2,1% у параўнанні з нарматывам, дзеючым з 1 лютага па 30 красавіка гэтага года (Br180,10). Гэта абумоўлена ростам цэн на харчовыя тавары, якія ўваходзяць у мінімальныя наборы прадуктаў харчавання пражытачнага мінімуму (малочнай і плодаагародніннай прадукцыі), а таксама выдаткаў на ўнёскі і плацяжы (у сувязі з павелічэннем з 1 студзеня 2017 года памеру мінімальнай заработнай платы, якая прымяняецца ў якасці базы для разліку узносаў і плацяжоў).
У сувязі са змяненнем БПМ з 1 мая 2017 года павялічацца мінімальныя працоўныя і сацыяльныя пенсіі; надбаўкі, павышэнні да пенсій і даплаты асобам ва ўзросце 75 гадоў і старэйшым, якія атрымліваюць пенсіі ў органах па працы, занятасцi i сацыяльнай абароне; дапамогі па догляду інваліда I групы або за чалавекам, які дасягнуў 80-гадовага ўзросту; а таксама дзярждапамогі на дзяцей: пры нараджэнні першага дзіцяці — 10 БПМ, другога і наступных дзяцей — 14 БПМ; па доглядзе дзіцяці-інваліда ва ўзросце да 18 гадоў - 1 БПМ; на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў - 0,5 БПМ; на дзяцей старэйшых за 3 гады з асобных катэгорый сем'яў (0,5 БПМ, 0,7 БПМ), на дзяцей ва ўзросце да 18 гадоў, інфіцыраваных вірусам імунадэфіцыту чалавека (0,7 БПМ).
У адпаведнасці з пастановай Мінпрацы і сацабароны з мая па ліпень гэтага года БПМ працаздольнага насельніцтва складае Br204,35 (з 1 лютага па 30 красавіка - Br198,63); пенсіянераў - Br141,50 (цяпер - Br138,80); студэнтаў - Br178,66 (Br175,24); дзяцей ва ўзросце да трох гадоў - Br119,55 (Br116,83); дзяцей ва ўзросце ад трох да шасці гадоў - Br163,83 (Br160,61); дзяцей ва ўзросце ад шасці да васемнаццаці гадоў — Br201,05 (Br197,40).
Цяпер чытаюць
Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала12
Каментары