Пад Брэстам беларускія памежнікі затрымалі грамадзяніна Польшчы, якія нелегальна перасёк мяжу на параплане, паведамілі ў Дзяржаўным памежным камітэце Беларусі.
Інцыдэнт адбыўся 11 чэрвеня ў раёне пункта пропуску «Казловічы». Нарад заўважыў параплан, які ляцеў на вышыні каля 1 тыс. м з боку Польшчы. Заўважылі яго і мясцовыя жыхары, якія паспяшаліся паведаміць пра гэта памежнікам. У ходзе аператыўных мерапрыемстваў парушальнік быў затрыманы супрацоўнікамі Брэсцкай памежнай групы ў 600 м ад дзяржаўнай мяжы адразу ж пасля прызямлення. Мужчына 1975 года нараджэння патлумачыў, што страціў арыенцір. Калі прызямліўся, то падумаў, што знаходзіцца непадалёк ад польскага горада Бяла-Падляска.
У дачыненні да грамадзяніна Польшчы пачаты адміністрацыйны працэс за парушэнне дзяржаўнай мяжы. Спартсмену-аматару пагражае буйны штраф з дэпартацыяй і забаронай уезду ў Беларусь.
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала21
Каментары