У Гродне трэці дзень шукаюць 13-гадовую дзяўчынку, якая пайшла з дому з-за хлопца, паведамілі ў прэс-службе УУС Гродзенскага аблвыканкама.
Дыяна Пятрэвіч, 2004 года нараджэння, пайшла з дому 8 ліпеня, і да гэтага часу пра яе месцазнаходжанне нічога не вядома. На выгляд ёй каля 13 гадоў, рост 160-165 см, сярэдняга целаскладу, валасы цёмна-русыя. Была адзетая ў цёмна-сінюю майку, крамнінныя светла-жоўтыя шорты і белыя красоўкі.
«Імавернай прычынай сыходу сталі пачуцці дзяўчыны да маладога чалавека. Бацькі не дазваляюць дачцэ зносіны з юнаком, у тым ліку з-за таго, што ён з нешчаслівай сям'і. 8 ліпеня Дыяна пайшла на фестываль Color Fest у парк імя Жылібера, сустрэлася там з хлопцам і пасля гэтага дома не з'яўлялася», — гаворыцца ў паведамленні міліцыі.
Усіх, хто валодае якой-небудзь інфармацыяй пра месцазнаходжанне зніклай, просяць паведаміць аб гэтым па тэлефоне 102. Звяртаюцца супрацоўнікі міліцыі і да самой дзяўчыны, раячы ёй як мага хутчэй вярнуцца дадому, каб пазбавіць родных людзей ад перажыванняў.
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары