Пад Мазыром спроба зрабіць сэлфі скончылася жаночай бойкай і міліцыяй.
Кампанія адпачывала на рацэ паблізу вёскі Лучажэвічы. Побач стаяў трактар, які належыў мясцовай арганізацыі. Адзін з мужчын залез у яго, каб зрабіць сэлфі.
Жанчына-вартаўнік зрабіла яму заўвагу, пачалася сварка. Да яе далучылася жонка аматара сэлфі.
Канфлікт паміж жанчынамі праходзіў у больш агрэсіўнай форме. 36-гадовая мазыранка, у якой аргументы скончыліся, ударыла вартаўніцу кулаком у твар, пасля чаго кампанія села ў аўтамабіль і з'ехала, паведамляе тэлеканал «Мазыр».
Пацярпелая выклікала міліцыю. Праз некаторы час падазраваная ў хуліганстве была затрыманая.
Жанчына сваю віну прызнала, кажа, крыўдна стала за мужа. Цяпер жанчыну чакае суд.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны36
Каментары