З 15 чэрвеня ў Беларусі ўводзіцца ў абарачэнне новая інвестыцыйная манета «Славянка». Адпаведнае рашэнне замацавана пастановай праўлення Нацыянальнага банка ад 5 чэрвеня 2026 года.
Манета вырабленая са срэбра найвышэйшай пробы 999,9. Яе вага складае 31,1 грама, намінал — 20 рублёў. Агульны наклад выпуску — 15 тысяч асобнікаў.
Асаблівасць гэтай манеты ў тым, што яна была адчаканеная ў Беларусі — на гомельскім прадпрыемстве «Крышталь» у 2026 годзе. Раней памятныя і інвестыцыйныя манеты па заказе Нацбанка вырабляліся за мяжой, як і закупляліся каштоўныя металы для іх вытворчасці.
Паводле дакумента Нацбанка, «Славянка» з’яўляецца законным аплатным сродкам на тэрыторыі краіны і павінна прымацца па намінальным кошце пры ўсіх відах аплат без якіх-небудзь абмежаванняў.
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны26
Каментары