4 чэрвеня, завяршыліся раскопкі на Малым Гарадзішчы ў Мінскім раёне. Даследчыкам удалося не толькі знайсці ўнікальныя артэфакты, але і атрымаць важкія доказы таго, што пасля разбуральнага пажару жыццё на гэтым месцы не спынялася амаль тры стагоддзі, піша pristalica.by.
Сёлета даследаваліся два ўчасткі Малога Гарадзішча. На першым археолагі зрабілі раскоп на глыбіні 2 метраў, на другім — 1,40—1,50 метра. Працай студэнтаў Беларускага дзяржаўнага ўніверсітэта культуры і мастацтваў кіраваў загадчык аддзела археалогіі Сярэдніх вякоў і Новага часу Інстытута гісторыі НАН Беларусі Андрэй Вайцяховіч.
Навуковец прызнаўся, што не чакаў такіх вынікаў па выніках двухтыднёвых даследаванняў.
«Мы высветлілі, як пажар, [які датуецца XI стагоддзем], суадносіцца з больш познімі пластамі. Цяпер упэўнена можна казаць пра тое, што пасля пажару ў XII, XIII і XIV стагоддзях тут стаяў феадальны сядзібны двор, і ён функцыянаваў бесперапынна, — расказаў Андрэй Вайцяховіч.
З глыбіні зямлі паднялі шэраг артэфактаў. Сярод іх — некалькі дзясяткаў прадметаў з металу, раннеславянская кераміка, бронзавыя падвескі, што сведчыць пра засяленне тэрыторыі славянамі. Асабліва каштоўныя знаходкі: наканечнік дзіды і сярэбранае скроневае кольца, знойдзенае ў апошні дзень працы.
Асобнай увагі заслугоўваюць рэшткі спаленай драўлянай талеркі.
«Тут дрэва не захоўваецца зусім, а цяпер з'явілася ўнікальная магчымасць паглядзець драўляны посуд, які выкарыстоўвалі ў Сярэднявеччы. Мы не ведалі наогул пра існаванне такога посуду на гэтым помніку», — адзначыў Андрэй Вайцяховіч.
Разьбяны посуд ужо знаходзіцца на кансервацыі.
На гэтым сезон працы ў Гарадзішчы закрылі. Наступныя раскопкі пройдуць толькі ў 2027 годзе.
Пад Мінскам археолагі знайшлі берасцяны посуд XI стагоддзя
Даследчыкі дзесяцігоддзямі памыляліся наконт касцёла ў Будславе. Археалагічныя знаходкі абверглі старыя тэорыі
Таямніца аршанскіх падзямелляў: школьнік праваліўся пад зямлю і нечакана адкрыў для навукоўцаў падземны лабірынт
З лета пачнецца рэстаўрацыя Сафійскага сабора ў Полацку. Можа змяніцца і ягоны выгляд
Цяпер чытаюць
Яму далі 15 гадоў па паказаннях Пратасевіча. Ён пасівеў за адну ноч19
Каментары