«ФСБ прыкінуўся дзяўчынай, каб выманіць яго»: у Гомелі знік украінец, якога Расія падазрае ў тэрарызме
19-гадовы Павел Грыб прыехаў у Гомель 24 жніўня. Больш на сувязь ён не выходзіў. Бацька хлопца ўпэўнены, што яго сына затрымалі расійскія спецслужбы.
Па словах Ігара Грыба, бацькі Паўла, яго сын перапісваўся праз інтэрнэт з дзяўчынай: пазнаёміліся праз Укантакце, жыўцом не бачыліся. Дзяўчына нібыта была з Расіі, сустрэцца з ёй Павел вырашыў у Беларусі. 24 жніўня хлопец паехаў у Гомель, збіраўся вярнуцца ў той жа дзень, але ж знік.
Бацька паехаў у Гомель шукаць сына.
«Я даведаўся, што сын знаходзіцца ў вышуку па артыкуле «Тэрарыстычны акт», вышук ініцыяваны ФСБ горада Сочы», — сцвярджае Ігар Грыб.
Па словах бацькі, беларускія памежнікі заявілі, што не валодаюць якой-небудзь інфармацыяй наконт Паўла Грыба. Ігар Грыб упэўнены, што на тэрыторыі Беларусі сына затрымалі супрацоўнікі ФСБ.
Адзначым, што Павел Грыб інвалід, у войску не служыў.
Пакуль невядома, што дакладна здарылася.
Украінская амбасада накіравала ноту ў беларускае МЗС з мэтай высветліць месцазнаходжанне зніклага хлопца, паведаміла «Украінская праўда».
Гомельская міліцыя адмовілася ад каментароў. У КДБ пакуль таксама не пракаментавалі гэтую гісторыю.
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала40
Каментары