Прадстаўнік МНС сфармуляваў пяць пытанняў і адказаў пра пошукі хлопчыка ў Белавежскай пушчы
«Улічваючы рост у геаметрычнай прагрэсіі тых, хто дакладна ведае, як трэба шукаць хлопчыка, вырашыў напісаць гэты пост у фармаце пытанне-адказ», — напісаў у фэйсбуку афіцыйны прадстаўнік МНС Віталь Навіцкі.
1. Ці ўмееце вы наогул шукаць людзей у лесе?
У 2017 годзе МНС удзельнічала ў пошуках 26 заблукалых дзяцей. 25 з іх знойдзеныя, адзін — не. У 2017 годзе МНС удзельнічала ў пошуках 302 заблукалых дарослых, 288 з іх знойдзеныя, 14 — не.
2. Чаму гэты выпадак — асаблівы?
Большасць дзяцей і дарослых знаходзяцца ў першыя суткі. Вось навіна пра жанчыну, якая тры дні правяла ў лесе. Яе заўважылі мае калегі з верталёта МНС. Хлопчык не знойдзены.
3. Пошукі пачаліся са спазненнем?
Праца пачалася ў тую ж ноч, калі паступіла паведамленне. Пацвярджэнне таму — навіна на нашым сайце аб тым, што за адны суткі мы 17 разоў выязджалі на пошукі (узрост — аператыўныя даныя, якія пазней адкарэктавалі).
4. Чаму адразу на месцы не было тысяч людзей?
Алгарытм любых пошукаў — нарошчванне сіл і сродкаў пры адсутнасці выніку. Ні ў адной краіне свету я не сустракаў сітуацый, калі праз 12 гадзін пасля знікнення дзіцяці ў лесе прачэсваюць мясцовасць тысячы чалавек, а неба забітае беспілотнікамі і верталётамі. Наш першы борт пачаў працу, нягледзячы на небяспечныя ўмовы надвор'я, калі стала зразумела, што пошукі спецыялістаў на зямлі ў блізкім радыусе + апытанні родных і жыхароў вёскі не прынеслі выніку.
5. Дык чаму хлопчык не знойдзены?
На гэтае пытанне спрабуюць адказаць эксперты і «эксперты». Я не магу ўявіць, што яшчэ павінны зрабіць ратавальнікі і валанцёры ў кантэксце пошукаў лясных. Адпрацавана ўсё. Ключавыя месцы — двойчы: міліцыяй ці МНС + добраахвотнікамі.
PS Кожны раз, калі вы збіраецеся зрабіць рэпост на гэтую тэму, проста задумайцеся — ці можа гэты чалавек быць экспертам? Ці трэба тыражаваць істэрыю, нянавісць, распальванне і пошук вінаватых? Дзякуй за ўвагу».
Каментары