У сувязі са зваротамі, што паступаюць у Міністэрства абароны па факце смерці вайскоўца радавога Коржыча А.А., паведамляем наступнае.
Міністэрствам абароны прыняты ўсе меры для аб'ектыўнага і ўсебаковага расследавання абставінаў гэтага здарэння.
Неадкладна інфармацыя аб дадзеным факце была паведамлена ў Следчы камітэт і пракуратуру. З мэтай максімальна аб'ектыўнага расследавання і праверкі ўсёй атрыманай інфармацыі, выяўлення прычын і ўмоў здарэння, дэталёвага вывучэння ўсіх абставінаў, якія садзейнічалі гэтаму здарэнню, у тым ліку магчымых супрацьпраўных дзеянняў вайскоўцаў, уключаючы парушэнні статутных правілаў узаемаадносін, распачата крымінальная справа па артыкуле 443 (частка 3) Крымінальнага кодэкса Рэспублікі Беларусь.
У выпадку выяўлення ва ўстаноўленым законам парадку асоб, вінаватых у смерці вайскоўца Коржыча А.А., яны абавязкова будуць прыцягнуты да адказнасці ў адпаведнасці з заканадаўствам Рэспублікі Беларусь.
Міністэрствам абароны, разам з комплексам прафілактычных мерапрыемстваў, няўхільна рэалізуецца галоўны прынцып барацьбы са злачыннасцю — забеспячэнне няўхільнасці пакарання вінаватых асоб за дробныя парушэнні заканадаўства.
Па ўсіх фактах злачынстваў абавязкова заводзяцца крымінальныя справы. Так, па фактах парушэнняў статутных правілаў узаемаадносін паміж вайскоўцамі, у тым ліку тых, якія не былі спалучаныя з гвалтам, распачатыя крымінальныя справы, у тым ліку ў 2014 годзе — 13, у 2015 годзе — 27, у 2016 годзе — 17, у 2017 годзе годзе — 13.
Адначасова рэалізуецца комплекс арганізацыйных і прафілактычных мер у сувязі з рэзкім пагаршэннем сацыяльна-дэмаграфічнай характарыстыкі прызыўнога кантынгенту (кожны дзясяты прызыўнік апошніх двух прызываў знаходзіўся на ўліку ў міліцыі, затрымліваліся работнікамі праваахоўных органаў за адміністрацыйныя правапарушэнні амаль дзве траціны прызыўнікоў, колькасць прызыўнікоў, якія мелі досвед крымінальных паводзінаў, склала больш за 4% у той час, як у пачатку 2000-х гадоў, маючы лішкі прызыўных рэсурсаў, у войску не служылі асобы, у якіх судзімасць была знятая або пагашаная).
Нягледзячы на сітуацыю, якая склалася, прынятыя арганізацыйныя і прафілактычныя меры забяспечылі функцыянаванне больш чым 90% вайсковых частак без злачынстваў і здарэнняў.
Міністэрства абароны пацвярджае нязменнасць пазіцыі аб забеспячэнні і няўхільнасці пакарання вінаватых асоб за здзяйсненне правапарушэнняў.
Аб выніках расследавання ўсіх абставінаў смерці вайскоўца радавога Коржыча А.А. Міністэрства абароны ва ўзаемадзеянні са Следчым камітэтам праінфармуе грамадскасць.
Каментары