Пра гэта «Нашай Ніве» паведамілі ў Доме Масквы. «Пазванілі арганізатары, сказалі, што імпрэза пераносіцца», — сказалі ў аддзеле правядзення мерапрыемстваў Дома Масквы.
Паказ фільма Крым і сустрэча з рэжысёрам Піманавым павінна была адбыцца 26 кастрычніка. Адметна, што «Крым» і Піманава ў Мінск прывозіць арганізацыя «Русь маладая». Тая самая, якую ўзначальвае Сяргей Лушч. Мы ўжо падрабязна пісалі пра гэтага персанажа. Лушч прытрымліваўся неанацысцкіх поглядаў, быў язычнікам, змагаўся з «юда-хрысціянскай акупацыяй». Цяпер жа ён выступае як распаўсюднік «рускай культуры ў Беларусі». Лушч ужо прывозіў у Мінск пісьменніка-чарнасоценца Старыкава.
Мастацкі фільм «Крым» — гэта ўслаўленне анексіі паўвострава расійскімі вайскоўцамі ў сакавіку 2014 года. Яго не ўзялі ў пракат беларускія кінатэатры.
Звяртае ўвагу, што яшчэ ўчора лідар «Русі маладой» Сяргей Лушч быў упэўнены ў тым, што сустрэча адбудзецца. На сваёй старонцы ў фэйсбуку Лушч пісаў: «Сустрэча з вядомым рэжысёрам Аляксеем Піманавым — гэта культурнае мерапрыемства. Многія мінчукі, і не толькі, будуць рады сустрэцца з рэжысёрам. А гледачам давайце дамо самастойна і свабодна ацэньваць якасць твора, і па-сапраўднаму, па-еўрапейску, дэмакратычна выказваць сваё меркаванне, а не ісці на паваду ў русафобаў-прапагандыстаў», — адзначаў Лушч.
***
Глядзі таксама: Універсітэт МІТСО заклікае студэнтаў прыходзіць на паказ прапагандысцкага фільма «Крым»
***
На тэлеграм-канал «Нашай Нівы» можна падпісацца тут.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары