«Вы ўгрохалі сюды 150 мільярдаў, і мы спытаем за вынік»
Аляксандр Лукашэнка лічыць, што дзяржава павінная атрымліваць адпаведную аддачу і вынік ад сродкаў, укладзеных у будаўніцтва новых спартовых аб’ектаў.
«Вы павінныя тут штампаваць чэмпіёнаў свету і алімпійскіх чэмпіёнаў. Вы ўгрохалі сюды 150 мільярдаў, і мы спытаем за вынік»,— заявіў А.Лукашэнка, наведваючы ў Пінску новы ўніверсальны спартовы комплекс «Хваля».
Беларускі кіраўнік у цэлым станоўча ацаніў створаныя ў спорткомплексе магчымасці як для занятку фізкультурай, так і для падрыхтоўкі спартоўцаў высокага класа. Пры гэтым А. Лукашэнка падкрэсліў, што дадзеная інфраструктура павінная выкарыстоўвацца на 100 %, каб была магчымасць пакрыць частку выдаткаў на яе ўтрыманне.
Падчас наведванняў дадзенага спартовага аб’екта, была таксама закранутая праблема падрыхтоўкі кадраў з вышэйшай адукацыяй для працы ў спартовых установах. У прыватнасці, ён лічыць, што пры недахопе адпаведных кадраў для працы ў спорткомплексах павінныя прыцягвацца настаўнікі фізічнай культуры.
«Прымусьце настаўнікаў фізкультуры працаваць, і не трэба плакацца,што Радзькоў (Аляксандр Радзькоў — міністр адукацыі), забраў у вас трэці ўрок фізкультуры», — сказаў А.Лукашэнка.
Ён заявіў, што «мы будзем ствараць працоўныя месцы там, дзе выгодна дзяржаве, і хай чалавек ідзе да гэтага працоўнага месца, а не наадварот».
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу26
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары