Стваральнік Belarus Security Blog Андрэй Паротнікаў пракаментаваў у сваім фэйсбуку затрыманне беларускім КДБ карэспандэнта Украінскага радыё Паўла Шаройкі:
«Зараз у мяне тры пытанні:
1. Каго вышлюць украінцы ў адказ на высылку Скварцова;
2. Ці абмяняюць Шаройку на нашага шпіёна ва Украіне [грамадзяніна Беларусі, які, магчыма, збіраў інфармацыю ў інтарэсах Расіі — Рэд.], якога прыхапіла СБУ летам і, дарэчы, у Чарнігаўскай вобласці (а гэта як раз той выпадак, калі месца характарызуе чалавека);
3. Перадаваць сакрэтную ваенна-палітычную інфармацыю за грошы мог толькі прадстаўнік адной з дзвюх структур — Рады бяспекі або цэнтральнага апарата Мінабароны. Проста ў іншых месцах ніхто ведаць не ведае, што такое «сакрэтная ваенна-палітычная інфармацыя»
А наогул, вядома, уся сітуацыя — мінус і Лукашэнку, і Парашэнку. Якія не змаглі забяспечыць вырашэнне пытання па-ціхаму, з абменам людзьмі і адкліканнем дыпламатаў. Як, хутчэй за ўсё, і планавалася першапачаткова.
Гэта значыць, нашы ж змаглі б, але вось украінскі бок не стрымаўся. Думаю, зараз панясецца: нездарма КДБ так аператыўна пачаў даваць інфу. Значыць, у Мінску прыпякае.
Дрэнна гэта вядома ўсё ((( І так — сам па сабе шпіянаж — паўсядзённая дзейнасць любой дзяржавы нават у дачыненні да саюзнікаў. Так што шпіёніць адно за адным — не сорамна. А вось трапляцца і апынуцца няздольнымі вырашыць пытанне без шуму і пылу — гэта праблема».
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня3
Каментары