Цвыркуновая ферма ды іншыя найлепшыя стартапы 2017 года ў Беларусі
На конкурсе праектаў «Стартап года — 2017», арганізаваным Цэнтрам падтрымкі прадпрымальніцтва ТАА «Стартап-тэхналогіі», былі выбраныя найлепшыя стартапы Беларусі — праекты людзей і кампаній, якія яшчэ толькі пачынаюць свой бізнэс-шлях.
1. Электронны стэтаскоп
Пераможцам стаў стартап Healthy Networks, які стварыў унікальную прыладу «электронны стэтаскоп» і мабільны дадатак Lung Passport для яго і атрымаў $100 тысяч ад фонду Spacemind Capital на далейшае развіццё праекта.
Электронны стэтаскоп прыкладаецца да цела і перадае сігнал на тэлефон праз Bluetooth. Затым сігнал апрацоўвае нейронная сетка, якая ўсталёўвае тып хрыпаў, пасля чаго карыстальнік адказвае на шэраг пытанняў, і сістэма аналізуе ягоны стан.
Прылада можа распазнаваць такія шырока распаўсюджаныя захворванні як астма, пнеўманія, бранхіт і хранічная абструктыўная хвароба лёгкіх з дакладнасцю 85%.
2. Цвыркуновая ферма
На другім месцы аказалася ферма па гадаванні цвыркуноў Crickets.by. Стваральнікі стартапа сцвярджаюць, што яны першымі ў Беларусі занялі гэтую нішу і ўпэўненыя ў сваёй будучыні: «Цвыркуновыя фермы ёсць у ЗША, Канадзе і Еўропе, а ў Тайландзе цвыркуны — асноўны прадукт харчавання, бо гэта адзін з самых карысных прадстаўнікоў казурак», — гаворыцца на сайце праекта. Каб цвыркуны былі ядомымі, у Crickets.by распрацавалі спецыяльны від камбікорму.
У 2016 годзе «Наша Ніва» ўжо пісала пра незвычайную бізнес-ідэю.
Чытайце: Беларус хоча адкрыць ферму цвыркуноў і прапануе ўжываць іх у ежу
3. 3D-мадэль чалавека
Сэрвіс для стварэння 3D-мадэлі чалавека на аснове яго рухаў Kimchi! мае дзве асноўныя сферы прымянення: забавы (мадэль чалавека можа пераўвасобіцца ў каго заўгодна) і сурдапераклад.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары