Эксперыментальная жаночая група па падрыхтоўцы машыністаў шматаперацыйных лесанарыхтоўчых машын (фарвардараў і харвестараў) цяпер камплектуецца ў Рэспубліканскім цэнтры павышэння кваліфікацыі кіруючых работнікаў і спецыялістаў лясной гаспадаркі.
Спецыялісты спадзяюцца, што эксперымент пройдзе паспяхова, бо жанчын часта адрознівае ўважлівасць, акуратнасць і ашчаднасць.
Прэтэндэнткам трэба проста мець пасведчанне трактарыста-машыніста з адзнакай з дазволам кіраваць трактарамі і машынамі катэгорыі «В», а таксама медыцынскую даведку адпаведнага ўзору.
Навучанне пачнецца, як толькі будуць укамплектаваныя групы (мінімум 12 чалавек), яно зойме ўсяго некалькі тыдняў.
У Рэспубліканскім цэнтры павышэння кваліфікацыі кіруючых работнікаў і спецыялістаў лясной гаспадаркі не змаглі назваць заробак, на які змогуць прэтэндаваць дзяўчаты. Аднак маніторынг у інтэрнэце вакансій аператараў харвестараў і фарвардараў дае лічбы ад 1 да 4,5 тысячы рублёў у залежнасці ад кваліфікацыі.
Цяпер чытаюць
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары