Своеасаблівы падарунак на Новы год зрабіў сабе жыхар Мінска. Мужчына скраў чужога тэр’ера, які даўно яму падабаўся.
30 снежня гаспадар тэр’ера пайшоў у краму, сабаку прывязаў на вуліцы. Калі выйшаў, то тэр’ера ўжо не было. Ён звярнуўся ў міліцыю, злодзея неўзабаве знайшлі.
Высветлілася, што 27-гадовы мужчына, які жыве нездалёк, даўно прыкмеціў сабаку. І 30 снежня вырашыў усё ж забраць яго сабе. Цяпер мужчыну пагражае да 3 гадоў пазбаўлення волі. Дарэчы, мінчука ўжо прыцягвалі да крымінальнай адказнасці, таксама за крадзеж.
«У гэтай нестандартнай сітуацыі гаспадару пашанцавала, што зламыснік пражываў у дадзеным раёне — тэрыторыя пошуку звузілася. Таксама пашанцавала, што сабаку мужчына пакінуў сабе, ня маючы намеру прадаць ці падарыць каму-небудзь. Таму раю быць больш уважлівымі да сваіх чацвераногіх сяброў, каб пазбегнуць непрыемных момантаў», — распавёў старшы оперупаўнаважаны аддзялення крымінальнага вышуку Фрунзенскага РУУС Мінска Аляксей Петракоў.
Каментары