На плошчы Славія ў Бялградзе ўвечары 23 мая прайшла адна з найбуйнейшых студэнцкіх акцый пратэсту. Людзі, якія выйшлі на вуліцы, запатрабавалі правядзення датэрміновых выбараў у краіне.
Акцыя прайшла пад лозунгам «Студэнты перамагаюць» («Studenti pobeđuju»). Прэзідэнт Сербіі Аляксандр Вучыч неаднаразова заяўляў, што выбары адбудуцца ў гэтым годзе, аднак афіцыйна яны дагэтуль не прызначаныя.
Паводле ацэнак паліцыі, у акцыі ўдзельнічалі каля 34 тысяч чалавек. Недзяржаўныя інстытуцыі ацанілі колькасць пратэстоўцаў на 180—190 тысяч чалавек і назвалі гэтую акцыю найбуйнейшай з моманту зрынання былога прэзідэнта Сербіі і Югаславіі Слабадана Мілошавіча ў 2000 годзе.
Падчас мітынгу адбыліся сутыкненні паміж пратэстоўцамі і паліцыяй. МУС паведаміла пра дзясяткі затрыманых.
Пратэсты ў Бялградзе працягваюцца ўжо паўтара года — з снежня 2024 года, калі на вакзале горада Нові-Сад абрынуўся бетонны навес і загінулі 16 чалавек. Пратэстоўцы лічаць, што трагедыя стала вынікам карупцыі дзейнай улады, піша «Медуза».
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары