У Віцебску плануюць запусціць вытворчасць электрамабіляў спецыяльнага прызначэння з удзелам кітайскага партнёра. Адміністрацыя свабоднай эканамічнай зоны «Віцебск» падпісала мемарандум аб намерах з кітайскай кампаніяй «Ваньцай», паведамляе выданне «Віцьбічы».
Праект пакуль знаходзіцца на стадыі абмеркавання і падрыхтоўкі, але кітайскі бок ужо разглядае магчымасць пачаць яго рэалізацыю ў 2026 годзе.
Новы завод плануюць размясціць на тэрыторыі СЭЗ «Віцебск». Дакладныя аб’ёмы інвестыцый, колькасць працоўных месцаў і іншыя падрабязнасці пакуль не раскрываюцца. Вядома толькі, што прадпрыемства будзе выпускаць электратранспарт спецыяльнага прызначэння — для прамысловасці, лагістыкі, камунальнай сферы і іншых галін.
Гэта не адзіны падобны праект у Беларусі. Раней паведамлялася пра запуск беларуска-кітайскай вытворчасці ў Полацку, дзе плануюць выпускаць электрамабілі для сельскай гаспадаркі і ЖКГ. Серыйную вытворчасць там хочуць пачаць у 2026 годзе, а да 2028 года выйсці на аб’ёмы каля 5 тысяч машын у год.
З-за росту цэнаў на бензін продажы электрамабіляў у Еўропе выраслі на траціну
«З зарадкамі ўсё з самага пачатку пайшло не так». Беларус расказаў, як ездзіў на электракары з Мінска ў Ташкент
У мінскай Каменнай Горцы адкрылі буйны хаб хуткай зарадкі электрамабіляў
«Белджы» плануе сёлета выпусціць 10 тысяч электрамабіляў і гібрыдаў
Каментары