Трамп зноў прыгразіў Ірану магутнымі ўдарамі, калі рэспубліка не заключыць здзелку
Прэзідэнт ЗША выступіў з чарговым папярэджаннем, але заявіў, што перамовы ідуць паспяхова.
«Перамовы з Ісламскай Рэспублікай Іран ідуць паспяхова! Або гэта будзе выгадная здзелка для ўсіх, або ніякай здзелкі не будзе ўвогуле — мы вернемся на перадавую і будзем страляць, але маштабней і мацней, чым калі-небудзь раней, а гэтага ніхто не хоча!
Гэта будзе дакумент, да якога будуць ставіцца з павагай, як ні да аднаго іншага, што калі-небудзь быў падпісаны ў любым месцы свету. Яго важнасць і прэстыж будуць беспрэцэдэнтнымі! Гэта павінна пачацца з неадкладнага падпісання Саудаўскай Аравіяй і Катарам, і ўсе астатнія павінны паследаваць іх прыкладу.
Калі яны гэтага не зробяць, то не павінны ўдзельнічаць у гэтай здзелцы, бо гэта сведчыць пра нядобрыя намеры. Гэта будзе самая важная здзелка, якую калі-небудзь падпіша любая з гэтых вялікіх, але пастаянна канфліктуючых краін. Нішто ў мінулым ці будучыні не пераўзыдзе яе. Блізкі Усход быў бы адзіным, магутным і эканамічна моцным, як, магчыма, ніводзін іншы рэгіён у свеце!
Пацвярджаючы гэтую ІСЦІНУ, я прашу сваіх прадстаўнікоў пачаць і паспяхова завяршыць працэс падпісання гэтымі краінамі ўжо гістарычных Пагадненняў Аўраама», — напісаў Дональд Трамп у Truth Social.
Каментары
Як бы пад час перамоў паміж Штатамі Іранам штатаўскія перамоўнікі казалі іранцам ні звяртаць увагу на твіты Трампа .
Таму что гэтыя звароты накіраваны на трампаўскіх. унутранных спажыўцоў і ні мают дачынення да рэальных перамоў
?? Так сабе адмазка калі насамрэч )))