Да берагоў Аўстраліі прыплыло найстарэйшае ў свеце пасланне ў бутэльцы ФОТА
Жыхарка Заходняй Аўстраліі знайшла на адным з пляжаў пасланне ў бутэльцы, выкінутай ў акіян 132 гады таму, паведамляе тэлеканал ABC Australia.
Дзяўчына хадзіла з сям'ёй па пляжы ў 180 кіламетрах ад горада Перт і заўважыла ў пяску бутэльку, што паблісквала на сонцы.
«Мы забралі яе дадому і высушылі, а калі адкрылі, выявілася, што ўнутры знаходзіцца бланк на нямецкай мове з выцвілымі запісамі ад рукі», — распавяла Тоня Ілман, якая знайшла пасланне.
У запісцы значылася, што ліст датаваны 12 чэрвеня 1886 года і бутэлька была выкінутая за борт з нямецкага паруснага судна «Паўла» у 950 кіламетрах ад Заходняга ўзбярэжжа Аўстраліі.
Сям'я аднесла знаходку ў музей штата, дзе навукоўцы сумесна з калегамі з Нідэрландаў і Нямеччыны пацвердзілі, што пасланне «прыйшло» з 19 стагоддзя. Як паведамляе тэлеканал, у 1864-1933 гг. бутэлькі з падобнымі пасланнямі скідваліся з нямецкіх караблёў тысячамі для вывучэння акіянічных плыняў.
Цяпер чытаюць
У Александрыі Лукашэнка пасадзіў да сябе 23‑гадовую прыгажуню25
Каментары