Выснова брытанскіх экспертаў з лабараторыі Партан-Даўн пра тое, што былога палкоўніка ГРУ Сяргея Скрыпаля і яго дачку Юлію атруцілі нервова-паралітычным рэчывам «Навічок», «не падлягае сумневу». Пра гэта гаворыцца ў паведамленні Швейцарскай хімічнай лабараторыі ў Шпіцы, якую раней згадаў кіраўнік МЗС Расіі Сяргей Лаўроў у заяве наконт атручэння Сяргея Скрыпаля і яго дачкі газам BZ.
«Мы можам паўтарыць тое, што казалі дзесяць дзён таму: у нас няма сумневаў, што Партан-Даўн ідэнтыфікавала «Навічок». Іх стандарты працы настолькі жорсткія, што іх высновы не падлягаюць сумневу», — цытуе РБК паведамленне ў Twitter швейцарскай лабараторыі.
Only OPCW can comment this assertion. But we can repeat what we stated 10 days ago: We have no doubt that Porton Down has identified Novichock. PD - like Spiez - is a designated lab of the OPCW. The standards in verification are so rigid that one can trust the findings. #Skipal pic.twitter.com/3xp3dBFAdP
Раней, 14 красавіка, міністр замежных спраў Расіі Сяргей Лаўроў заявіў, што Арганізацыя па забароне хімічнай зброі (АЗХЗ) у выніковым дакладзе не ўлічыла высновы швейцарскіх экспертаў, якія вывучылі «справу Скрыпаля». Паводле яго слоў, эксперты выявілі прыкметы таго, што ў атручванні магло выкарыстоўвацца рэчыва BZ, якое ў мінулым выкарыстоўвалася ЗША і Вялікабрытаніяй. Масква атрымала інфармацыю пра гэта канфідэнцыяльна, удакладніў Лаўроў.
Былы супрацоўнік ГРУ Расіі Сяргей Скрыпаль і яго дачка Юлія былі знойдзеныя без прытомнасці ў брытанскім Солсберы 4 сакавіка 2018 года. Лондан афіцыйна заявіў, што яны былі атручаныя ядам тыпу «Навічок», які распрацоўваўся ў Расіі, і абвінаваціў расейскія ўлады ў выкарыстанні баявога атрутнага рэчыва на тэрыторыі каралеўства.
Масква сваё дачыненне да атручвання неаднаразова адмаўляла.
На сёння Сяргей Скрыпаль апрытомнеў і можа размаўляць, яго дачку Юлію ўжо выпісалі з бальніцы.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень5
Каментары